Sidrin te u srcu
valo veloluška
Velu rivu, mandrać i pjacete
sve još imaš do čega me stalo
di se živi, di se jubav plete
lipa moja veloluška valo.
Cure luške s kojima san fraja
još su lipe da bi misto cvalo
ka mrkinta tvog se držim kraja
lipa moja veloluška valo.
I na druge bande
dok me život huška
sidrin te u srcu
valo veloluška.
Pramalića tvoja
lito usrid buška
sve mi gušte pružaš
valo veloluška.
Još pod humom skupjadu se klape
pa se čini da je vrime stalo
ošjat čuva tvoje žale, škrape
lipa moja veloluška valo.
