Pape jon je gradi brode bi je meštar o’ zanata
Na sve bande ka’ se ode nigdir takvog kalafata.
Bi je meštar zlatne ruke ma najlipje ća je jema
Nisu brodi nasrid luke vengo ćer, krasota je’na.
Njene oči pune vire caklile su da o’ zlata,
Jubila me priko mire ćer o’ starog kalafata.
Ču san srce di jon kuca poput finog, skupog sata;
(Jubila me blizu guca ćer o’ starog kalafata.)
Za vinčanje njen je pape najboji nan brod porinu
Letile su u vis kape ma nesrića sve prikinu.
Puknula je cima broda ošinula je nevistu
Ka’ kad satu pukne korda osta ležat tu na mistu.
Njene oči pune vire izlile su sjaj svog zlata,
Jubila me priko mire ćer o’ starog kalafata.
Srce više joj ne kuca, moje tuče poput mlata;
(Kad se sitin blizu guca ćeri starog Kalafata.)
