Laku noć Luigi, laku noć Bepina,
pasalo je vrime, šušnila koltrina;
zog je za balote, posteja za jude,
ure s kampanela neka vas ne bude.
Laku noć Bepina, laku noć Luigi,
misec je ka dinja, nikad ni bi bliđi;
usnulo je misto, zaspali su tići,
paver od života kraći je na svići.
Laka noć van bila na meken perju kušina,
počinak van triba ka tepla arja s komina;
zvizde kite nebo – mijarde lumina,
s ponistre vas paze i zibju u snima;
Laku noć Luigi, laku noć Bepina, laku noć!
Laku noć Luigi, laku noć Bepina,
život nije vengo lažina i pina,
ma ste isto prošli điron sve lipote,
čiste ka lancuni, juske ka balote.
