Nenadejano bogčije zveličenje
Zasvetlelo nam bu
Kak zvezdane tenje…
Seh brig i terhov konečno zlahkotenje,
Dominuš nebeški, slatko hrepenjenje…
Gda Gospon Bog bu v saku našu ranu
S parstom pihal na Sudnjemu Danu.
Na Den Konečni, na Dan Serditi,
Vsi fehtari i drugi bogci vsi,
Do keh nigdo nigdar nišče deržal ni,
Kak oblak svetleč, beli megleni…
Vekvečne norme gdi su v blagdanjskoj belini
Z mužikom i cvetjem, z rožmarini,
V đemantnej, samitnej, đunđastej Sikstini,
Vsi romari, cafute i fakini,
Pili buju z Bogom v čistoj rubenini.
